المدونين وتسرب المياه

تخيلت أن كل المدونين اجتمعوا فى شقة واحدة حصل لهم موقف معين تفتكروا هيكون الحوار بينهم ازاى ورد فعل كل واحد فيهم على الموقف هيكون ازاى

==================
طبعا محتاجين شقة ثلاث شوارع وميدان بمنافعهم علشان تسع المدونين فى الوضع واقفا

ولما تجمع المدونين فى الشقة الماء بدأ يتسرب من الماسورة نقطة نقطة

وقف عصفور

وقال لو سمحتوا هدوء يا خوانا عاوزين واحد بس يتكلم علشان الباقى يعرف يفهمه وانا بقترح اننا نشوف اصل المشكلة من الماسورة الأم....

رد شقير انتم اللى غلطانين ساكتين على اللى بيحصل فيكم أنا مش هنزل البلد دى تانى ولا حت أجازة

وظهرت صفات بنت خيخة الخيخية بوقوفها عند باب الخروج وقالت أوروفوار انا رايحة اكتوبر هى لعينة بس أحسن من تسرب الماية والبهدلة

بدأ الماء يكثر شوية وآبى لابسة نظارة سوده وقعت منها فى الماية قالت يوووه نظارتينى

قام نضال جاب لها النظارة و قالت له ميرسى وطلعت كيلنكس وقعدت تمسح فيها

ودخل الرايق متأخر وقال هاى ايفرى بودى مش عاوز حد ياخدنى بالحضن أنا هبوسكم نفر نفر وقال حاطط ايدة على بوئة وقال بوسه كبيرة للمدونين بس علشان انواع الانفلونزا اللى ماشية اليومين دول

ردت فرنسا ايه الوكسة اللى احنا فيها دي يعنى الواحد يسيب المجارى اللى فى العمارة يجى يلقيها هنا كمان صحيح الناس خيبتها السبت والحد احنا خيبتنا ما وردت على حد

رد الرايق ششششششش فرنستى تجلدى فين الصبر ايش حال اننا من عند القنال و حاربنا سنة 78

فرنسا نقطنا بسكاتك الله يخليك

فاتيما بقى اتكلمت وهى واقفة فى ركن بعيد كدة وقالت الله جميل اوى الواحد يجيب زرعة ورد ولما الماية تيجى عليه تكبر وتبقى جنينة ونفتح الشمس للشباك و تدخل ألوان قوس قزح

الصباغ وانا معايا الكاميرا وقال تعالوا نأخذ صورة جماعية واحنا فى الموقف الجميل ده حازو جنب بعض كدة

الفاتح الجعفرى بقى قال اهم حاجة بس يبقى فيه جامع جنبنا علشان لما الأذان يؤذن نسمعه

و أبو خالد قال : ايه يا ولاد من شوية ماية مش عارفين تصبروا شوية ليت الشباب يعود يوما بدل ما انتم قاعدين تتكلموا كدة شوفوا لنا محبس الماية فين

رد همس الاحباب : بيقولوا ان المحبس فى الشقة اللى فوقينا وبيقولوا كمان الشقة اللى فوق فيها ست قاعده لوحدها

طهقان : انا هضحى واطلع لها واعمل لكم المحبس بدل ما الماية تبوظ لنا هدومنا طبعا طول عمرى حنين القلب

طهقانة : يا اخى طيب راعى ابنك اللى جاى وخليك واقف معايا مش يمكن يجرى لى حاجة رد عليها طهقان الف سلامة عليكى أخ هو انت هنا معلش نسيت

يا مراكبى : بقى انا معنديش مشكلة لو الموج على هشد قلوعى واجرى

مصرواى أوى : بقى أنا سايب البنت المولودة وجاى لكم هنا يقوم يحصل الفصل دة بسر برضة انتم تستاهلوا التضحية

عايزة اتطلق : ايه رأيكم نكتب شكوى ونرفع قضية على الحى اصل انا بقيت خبرة فى المحاكم والحاجات دى

الدفاع : ليه هو أنا رحت فين عنك انت انا اللى هعمل كدة

شوية وشوية : يا اخونا الطيب أحسن انا لما اروح العمرة هدعى ان ربنا يسهلها لكم

مجداوية : محدش يتحرك من مكانة انا هرسم لكم كلكم لوحة بس مش وجوه لا كل واحد منكم هتخيلوا على شكل زهرة معينة ويبقى كل واحد منكم يشوف بقى نفسة

لماضة : تقول انا جعانه محدش معاه سندوتش ترد الكرمة قلبى المؤمن أنا معايا بقيت بسكوت من اول امبارح فى الشنطة خدية

صبرنى يارب : أكل ايه اللى بتفكروا فيه دلوقتى مش تشوفوا المشكلة اللى احنا فيها طبعا احنا ممكن كل واحد يمشى يروح بس صعب التجمع ده يحصل تانى فعاوزين نشوف حل سريع

رئيس جمهورية نفسى ماسك فى ايده حبل واخرة خطاف وبيقول أنا هرمى الحبل ده على البلكونة اللى فوق واطلع اقفل لكم المحبس

ملكة بحجابى بقى تقول دا أنا هكتب فيكم قصيدة وانتم كدة ملهاش حل وهنزلها فى أول عدد لما يبقى عندى جورنال وامسك رئيسة التحرير بتاعته

أم البنات : يعنى مش عارفين نستحمل شوية ماية ممكن تبل رجلينا دا احنا فى نعمة أمال الناس اللى معندهاش ماية خالص تعمل ايه

مجنونة فى بلد عاقل : يجوا يأخدوا من هنا

صوت من الوسط كدة بتاع دكتور حر يقول : يا جماعة لو حد حصل لكم حاجة الكشف عندى مجانى

هكذا علمتنى الحياة فى ظل العقيدة لازم نصبر على البلاء

عاشقة الفردوس واقفة فى ركن بعيد كدة وتقول ايه رأيكم اسليكم واقول لكم حدوتة

وعلى فكرة أنا ممكن أقولها لكم كلام من يوميات أمولة ولا من مذكرات شابة ولا ايه رأيكم نخليها خمسة فضفضة و كل واحد يقول حكاية من حكايات زمان

وممكن اخلى أم احمد تساعدنى وتحكى معايا وتقول شوية قصاقيص من عندها

طعمه تقول وانا اللى كنت جاية اتفك معاكم صحيح حظ دكر احنا لازم نعمل ثورة على الاوضاع دى بدل ما نبقى عاملين زى اللى عايشة فى الاحلام ولا زى اللى بترسم شخابيط على الماية

انها اساطير الخريف : المشكلة اننا زى اللى خايف من الحقيقة أو خايف يواجهها كل واحدة مفكرة نفسها سندريلا وكل واحد عايش بمزاج

سيبنى أحلم : وايه المشكلة لما نحلم ولا حتى نعيش فى شق القمر

مش قادرة : هو ايه ده هتقعدوا تتفلسفوا وتنسوا الماية اللى ممكن تغرقنا

فى العمق مكان للحرية : المشكلة مش فى ان الماية تغرقنا المشكلة فى الماية نفسها هى كنز مينفعش نضيعة

انتظروا معنا الجزء الثانى لنرى ماذا حدث للمدونين مع تسرب المياة و نقطه الماية

الملوك ايضا تموت

(حتى اذا لقيا غلاما فقتله قال اقتلت نفسا زكية بغير نفس لقد جئت شيئا نكرا)

فحدود العلم و عدم اطلاع الغيب والحكم بما هو متاح من معطيات أدى الى انكار هذه الفعلة ومن منا لا يرى القتل منكرا لكن حكمة اخفاء الغيب و إطلاع بعض الخاصة عليه قد يكون لهم رأى أخر فى ايضاح الأمور وكان الرد العجاب

(أما الغلام فكان أبواه مؤمنين فخشينا أن يرهقهما طغيانا وكفرا)

اذن فأمر القتل هنا لم يعد منكرا فهو رحمة للمقتول فقد كان غلاما واختارة الله لجوارة دون حساب ورحمة بأبويه العابدين العارفين

والسؤال هل لو تبدل الحال وكان الولد هو الصالح والابوان على غير ذلك واختار الله الولد الى جوارة حتى لا يفتن فيما بعد بعد من افعال أهلة فهب يجوز هذا؟

نعم فمقتضى الرحمة الالهية تقول ذلك فهى رحمة للولد ورحمة أيضا لوالديهما فهلاك هذا الابن هو لا محالة تخفيف لهم من الذنوب والمعاصى وجسرا قد يعبرون به الى الجنه ........

فهذا الولد فى حجر ابية ينعم فى رغد عيش ويتعلم فى سعة وبحبوحة و له جد ملك يهدهدة وهو قرة عينه ولم لا فهو أول حفيد فنال من الرعاية والاهتمام ما لم يناله الملك نفسه فى طفولته
فهى غريزة أن يزرع الحب فى قلب الوالد لابناءة

(حب الآباء لأبنائهم حب فطرى غريزى وليس العكس)

اما علاقة الجد بالحفيد فهى علاقة من نوع خاص بالفعل

فلا صوت يعلو فوق صوت الحفيد ما دام الجد موجود ويهنأ بهالة من الدلع فى وجودة لا يراها دونة
و الجد والأب لهم من الحلم والرفق والرقة مع ابنهم ما لا يجدوه حتى مع أنفسهم ويتبدل حالهم من القسوة للين ومن القوة للرحمة ومن الجور للعطف

حتى اذا أخذ الابن فى الكبر و أحاطة الاهتمام من كل جانب وتشرق شمس مستقبلة فى كنف عائلتة اختارة ربة الى جوارة وانزل مصيبة الموت على عائلتة فاصبح أبوة مكلوما و جدة يتيما من غيرة وامه هائمة على وجهها فمرارة الفقد قاسية
ودمعت العيون وحزنت القلوب ولم يقال الا ما يرضى الرب

فأى ابن هو قرة عين لأهلة مهما كان مستوى هذه العائلة فبائع الخبز والعامل بالأجرة والفلاح البسيط يحبون ابناءهم كما يحب الملك ابنه

فقسوة التجربة على الملك تجعلة بكل تأكيد يعرف مرارة الفقد وعظم البلاء هذا ان كان الأخذ هو الله ويعرف الرجل مكان ابنه

ماذا لو لم يعرف الاب مكان ولدة وهل هو بين يدى الله أم لا؟؟؟ أظن وقع المصيبة اعمق و أكبر

وكما ابن بائع الخبز يموت ويكون مكلوما فيه
ايضا الامير يموت ويحزن عليه

وكما أن بائع الخبز يموت فالملوك ايضا تموت

لا شماته فى الموت (انا لله وانا اليه راجعون)

البحر أيضا يئن

هو دوما يا بحر تستقبل همى
وتضحك عندما تلقى فيك الاحزان فهذا قدرك
فقد عرفت السر الذى تختفظ به بضحكاتك
فعند عند كل غروب
ترمى الحزن بمدك وجزرك
وتنام بالليل قرير العين
لتبدأ فى اليوم التالى تتلقى هم جديد
واليوم هل مازلت كما كنت يا بحر

هى البحر كما هو لكن أصبح هنا شريكان يرميان فيه الهم بنفس الوقت

من هو الشريك الثانى

هو : انظرى بالمرآة
هى : أنا واحد فمن شريكى ؟؟؟؟

هو اسالى البحر
هى ها أنا أسأله لمن تسمع غيرى ؟؟؟؟
هو ماذا قال لك ؟؟

هى لم يجبنى وصمت وأعتمد على قدراتى فى الفهم وأنا لا افهم بسهولة
من شريكى يا بحر؟


هو تعالى له عند الغروب فهناك يعطى اسرارة

هى عنده انا كل يوم
هو وتسأليه؟؟؟
هى ألقى بنفسى داخله وألقى بأحزانى لا اتخيل ان يكون لى شريك هناك
أشعر أن وحدى من املكه
هو هو لك
هى ومن يشاركنى الابحار بين أمواجه
هو ما دمت تمليكة هل تحتاجى شريك فى الابحار
هى لن أرضى بغيرى داخله
هو وهو ينتطرك كل وقت
هى أخبره أنه لم يعد لى غيره
هو قولى له فى أذنه
هى ألم يسمع همسى أمس وأنا معه

هو سمعك وحدثك و ابحرت داخلة
هى أخشى أن يؤرقه دمعى
هو وهل يضير البحر دمعه فى ماؤه!!!!!!
هى دموعى أصبحت بحر
هو اذا فيمد البحر لنفسة بحورا اخرى
هى أسأله ماذا يعشق فى ؟
هو و كيف أسأل عن شىء أنت تمليكة

البحر انتهى الوقت فهناك صفوف كثيرة وراءكم تريد الفضفضة