الخميس، 13 ديسمبر 2007
رحلة البحث عن وطن
حاولت كثيرا أن ابحث عن وطن
ارسم حدودة بيدىأروي أرضة بدمعى
أجعل من قلبى تربتة يمدها بخيرة يحضنها حبى
فتخضر الأرض وينموا الظلال
ويبعث كل شىء على الأمل
هنا حوض الورود هنا زرع النخيل
من هنا يجرى نهر
وهنا يسكن الفراش وهنا بيوت العسل
رجعت اخبر اخوانى انى وجدت ارض الاحلام
بعيدا عن فوضى النظام بعيدا عن عيون اللئام
بعيدا عن ظلم البشر
فاقبلت مبتهجا هلموا الى قومى
فالأرض تنتظر فئوس الجد وسواقى الماء
وطواحين الهواء وصلاح ما انكسر
فما وجدت لصوتى صدى وتولوا عنى
وقالوا انت تركب سفينة الوهم
انزل معنا وذق مما ننالة
فقد الفنا الظلم والنهر والزجر
وعدت أجرجر ذيل خيبتى
فلا أرض أرويها ولا حدود أرسمها ولا وجود لوطن
كل الظلال ضاعت كل الامال اختنقت
هجر النحل العش فلا زهر ولا عسل
غابت عن العين النخيل واحترق ورق الشجر
فاعلنت الحرب على قلبى قبل الوطن
وأشعلت فى كل حناياه نيران الغضب
فكيف أزرع ويأكل غيرىويتمتع عدوى بخيرى
وجئت يوما لاحضن الوطن فحضنت الشوك
فقلت اين ما زرعت من شجر؟ اين الورد الذى سقيت؟
فقد كان يمشى يوما هاهنا نهر
وعدت الى اهلى فقالوا الم نقل انك تزرع حلم
وتجنى وهم
قلت لهم لا بأس
انها تخاريف بشر
انها تخاريف بشر
الاشتراك في:
تعليقات الرسالة (Atom)
أول إصداراتي الورقية مجموعة قصصة نقوش على ثوب الألم
هناك 58 تعليقًا:
السلام عليكم ورحمة الله وبركاته
طائرنا الحبيب
سعيده جدا بانى اول تعليق
قصيده جميله جدا وبها معانى رائعه
بس عاوزه اقولك حاجة طريق الالف ميل بيبدا بخطوه
بمعنى الحلم اول الطريق لصنع واقع وزمان حلمنا بطلوع القمر
وكان نخاريف بشر الان رحله كل اسبوع للقمر كان حلم واصبح حقيقه
وبعدين احنا لو بطلنا نحلم نموت
وربنا يحقق احلام الطائر السعيد
ام ابناء الطائر
راجيه عفو الله
أرجوك اذا وجدت هذا الوطن أن تقول لى
أنا لا أقلل من قيمة هذه القصيدة الرائعة
انما أنا صادق فيما أقول
كل سنة وحضرتك طيب
اكيد هيجى يوم وتكون زى ما بتحلم بس ياريت الحلم ما يطولش وكفانا احلام عايزين على ارض الواقع والحلم يكون حقيقة
فديتك روحا تراءت ضياء ... تعالت فضجت ملاك السماء
وراح يحلق تحت الاله ... يطير بفردوسه حيث شاء
ويلقى الاحبة في جنة ... يلاقي بها ثلة الشهداء
يقلب طرفا له في الجنان ... احقا رحلنا وزال العناء
احقا لفحت رياح النعيم ... وخلفت خلفي رياح الجفاء
احقا سألقى حواري الخلود ... ويطربني لحنها بالغناء
ويلتف غصني على غصنها ... فيورق زهر الهوى والهناء
فطلت بثغر كدر الجمانِ .... هلم لجيدٍ كبدر المساء
وضمت فؤادي وقالت بدمع ... لقد طال عهد انتظار اللقاء
وجفت ينابيعنا لهفة ... فإنا لفيض الغرام ظماء
نذوب اشتياقا الى ضمة ... تريح الفؤاد وتجلو العناء
مرضت وما بي من علة ... فشوقي دائي وانت الدواء
اربى لأجلك في الخدر دهرا ... كلؤلؤة حفها الكبرياء
تضرم صدري شوقا اليك ... وما زلت اكتم شوقي حياء
وارمق خطوك في المعمعات ... فيزداد شوقي هوى واشتياق
فلما استقرت رصاص العداة ... بروحك ارسلتها للسماء
وذلك ما كنت ترنو له ... فأملاك مولاك ذاك الرجاء
يعزون فيك ولم يعلموا ... بماذا اعد لكم من عزاء
وقد آن للثغر أن يرتوي ... ويلثم ثغرا نقي البهاء
وهبت لمولاك روح الفداء ... فكنت المجازى وكنت الجزاء
فذابا عناقا وهاما وصالا ... واسدل ستر الأسى والشقاء
السلام عليكم
يختلف مفهوم الوطن من شخص لاخر
بس يا تري ستجده في النهاية
تحياتي اخي الفاضل
كلنا بنحلم نفس حلمك بوطن كما وصفته
بس اكيد هايجى يوم وهايتحقق الحلم
لكل شئ نهايه ولابد ان ياتى النهار يوما
كلماتك جميله قووووى
كل سنه وحضرتك بالف خير
رائعة
اكتر من رائعه
ملئت قلبي شجون على هذا الوطن الوهمي الذي اصبح بقلوبنا جميعا
تحياتي للاحساس الصادق
رائعه جدا جدا جدا
بجد جميله جدا
ما دمت زرعت
فحتما ستجني ما زرعت
يوما ما
ستجده شجرا ووردا كما احببت
لنا وطن
اخى الطائر الحزين
انه حلم امه
ويوما سيصبح واقع
طالما هناك من يحلم
تحياتى
dear ...The definition of ( the home Land)...answeres the question of mohamed///what is ( Watan...and 4 sorrow ...it is foggy picture 4 us...as loyality is not a love from one sides ...it must B ( a home ) 2 us...in it we feel safe...warmth...and Belonging..
when it will B a home 2 us...when the love will B mutual..
then...every thing will Change..and Ur-and our- dream (
home land) wil B achieved
Best regardes
مش معنى إننا مش لاقيين اللي عايزينه في وطننا إننا نعلن عليه الحرب
القصيدة معناها حلو أوي
فاعلنت الحرب على قلبى قبل الوطن
وأشعلت فى كل حناياه نيران الغضب
فكيف أزرع ويأكل غيرىويتمتع عدوى بخيرى
وجئت يوما لاحضن الوطن فحضنت الشوك
فقلت اين ما زرعت من شجر؟ اين الورد الذى سقيت؟
فقد كان يمشى يوما هاهنا نهر
وعدت الى اهلى فقالوا الم نقل انك تزرع حلم
وتجنى وهم
قلت لهم لا بأس
انها تخاريف بشر
انها تخاريف بشر
جميله جدا جدا
بالتوفيق دوما
ودمت بكل خير
الكل ذهب فى هذه الرحلة ولم يعد حتى الآن
لكن الافضل انك لا تبحث وانما تخطط لحلمك الذى تبحث عنه
وتحققه انت ومن حولك
الطائر الحزين
ليست تخاريف , انما هي نظرة عميقة الى واقع نرجو أن يتغير
قد ينكسر الحلم أشلاء وقد يتحول الى وهم لو وجدنا أنفسنا في عزلة بأحلامنا
الوطن هو المكان الذي تستطيع أن تحلم فية وأن تزهر أحلامك ولا تنكسر , فلا تكف عن البحث عنة
تحياتي
طائرنا المغرد
كمان والنبى غرد
كلامك جميل جدا
وكمان جدا
لكن حاول تزرع تانى وتانى
ولا تيأس
فلا يأس مع الحياه
ولاحيا مع اليأس
ازرع ونحن معك
حتى يخرج من نباتك اكسجين
تستنشق به طعم الحريه
كلام جميل جدا واثر فيا
حاسة بكل كلمة لانى عاوزة اقولها
مش عارفة ارد بأية
لأنى فعلا حاسة بغربة فى كل حاجة
بس عندى امل اكيد هلاقى وطن
اكيد هلاقى وطن
ولو ملقتهوش كفاية انى حلمت بوطن وحبيتة بينى وبين نفسى
بس تفتكر لو لاقيتة هيحضنى ويضمنى ولا هيغدر ويخونى ويتخلى عنى
خايفة حتى الاقى وطن
عيدكم مبارك
ملك المصرية
كلام جميل جدا
بس الجنة فى السماء مش ممكن تنزل للارض ابدا
كل عام وانت بخير وعهيد مبارك
وهنا يسكن الفراش وهنا بيوت العسل
رجعت اخبر اخوانى انى وجدت ارض الاحلام
بعيدا عن فوضى النظام بعيدا عن عيون اللئام
بعيدا عن ظلم البشر
قلمك رشيق وأسلوبك روعة
حفظك الله و سدد كلماتك
;)
طيب حضرتك سميت نفسك الطائر الحزين وقلنا ماشى حرية رأى وديمقراطية
انما عاوزين الحزن دا مايكنش غير بذرة مزروعة عشان يخرج منها السعادة والامل بغد مشرق(زى مابيقولو فى التلافازيون)
وربنا مايجيب اى حزن ولا اى يأس وان شاء الله احلام حضرتك مش هتكون تخاريف وتحقق بعيدا عن الاشواك
تحياتى ودمت بألف خير
جئت ألقى التحية
وواهنئك كل عام وانت بخير وبسعادة دائما
وحمدالله على سلامتك انا عدت الان من السفر بحمد الله
اما بالنسبة لما قرأت فهى كلمات قريبة قريبة جدا من نفسى رغم حزنها ورغم ماتركته من غصة فى حلقى
وجئت يوما لاحضن الوطن فحضنت الشوك
فقلت اين ما زرعت من شجر؟ اين الورد الذى سقيت؟
تقبل تحياتى على ما سطرت
جميلة جدا ومحزنة في نفس الوقت
خاصة المقطع الاخير الذي يكتشف فيه انه كان يحلم ومافعله لم يكن حقيقي
اتمنى ان ننتقل من مرحلة التمني للتنفيذ
فالوطن يصنعه ابناءه بايديهم ولا ينتظرون حكومات تصنع لانها لن تعطيهم شيئا
نتمنى ان ننتزع حقوقنا منهم ولا ننتظر كرمهم وتعطفهم علينا
يدهشني فينا كمصريين الشكوى الكثيرة
ولاتخرج عن كونها شكوى في احايين كثيرة
يعني اتمنى ان نخرج من إطار الشكوى للمطالبة بالحق ومن ثم انتزاعه وليكن لنا فيما فعله موظفي الضرائب العقارية مثال يحتذي وقبله عمال غزل المحلة
لايضيع حق وراءه مطالب
القصيدة جميلة جدا
تحياتي
يا سلام ايها الطائر السعيد
يا عمي الناس اللي ما تقدرش تحلم، بكرة ما يجيش ليها
أحلم ، حتى لو الحلم هيطلع كابوس، ما هو مش معقولة كل مرة هيطلع كابوس
بالتأكيد فيه يوم، هييج حلم صحيح، بس، خلينا نتاكد الأول، هو إحنا بذرنا بذور إيه عشان نجني شوك، الأرض لم تخون أبدا
والأرض مش بتعرف المحاباة، لو زرعنا بذور شوك، هتدينا شوك، حتى لو كتبنا على الشوك، ورد
الله يباركلك في أهلك، وعزوك، وأبناءك، وتعيش وتجاملنا في المدونات
كل عام وانت طيب، والسنة الجاية أنت وام أبناء الطائر السعيد، والولاد على عرفات الله
وكل عام وانتى بخير بمناسبه العيد الاضحى
ويارب على العيد الجى تجدى الوطن اى بتبحثى عنه
ممتاز جدا اى حد فى التعليق يشورك عليه بس بس الافضل انك تجديه بنفسك هيكون دة الافضل
احمد الجيزاوى
فى فكرة جميلة فى الكلام دا
وهى إن الناس فعلا بقيت تحس انها بتزرع وغيرها بيحصد انها بتتعب وغيرها بياخد تعبها
فاصبح اللامبالاة ويلا نفسى هى السائدة
انا بجداحيك ابيات جميلة جدا
حلو اوي :)
احلي ما فيه ان كلمة وطن حرة بدون قيود
ــــــــــــــــــــــــ
معلش واسفه جدا اني هاكتب تعليقي عن بوستي الاخير وردي علي حضرتك هنا
اتفق معك مبدئيا في كومنتك اللي كتبته عندي ..بمعني اننا فعلا لو رجعنا لسيرة الرسول والخلفاء الراشدين من بعده ..لوجدنا قمة الاحترام وقمة الود والمحبه في علاقة الرجل بزوجته بدء من علاقة الرسول صلي الله عليه وسلم بزوجاته الي علاقة الخلفاء الراشدين بزوجاتهم وطبعا الامثله اللي ممكن تضرب في هذا المجال كتير واكيد حضرتك بردو علي علم بيها
لكن يا عزيزي لو بصينا للتطبيق هنلاقي الموضوع مهمش وهنلاقي كل واحد بيضرب مراته او بيهينها بيستمد وبيردد زي البغبغان اية الضرب بدون ان يعلم او يعي تماما تفسيرها او ايه هي الحالات اللي بيجوز الضرب فيها ..وايه شكل الضرب دا ..
انا شوفت بعيني ناس كنت احسبهم علي خير بيعاملوا زوجاتهم كما الجواري وكل اللي عليهم انهم بيردووا ناقصات عقل ودين ..والشرع بيؤيد ضرب الرجل لزوجته وغيرها كتير من الاسطوانات المشروخه اللي فاكرينها مستمده من اصول دينيه والدين منها برئ
والواقع بيقول ان اللي فاهمين جوهر الدين وبيطبقه فعلا في حياته اقليه ..فعلا الامر يتلخص في وعاشروهن بالمعروف زي ماحضرتك قولت ..بس في ناس ماتعرفش دا او متناسيه دا ..انا شايفه ان البيان دا تذكير للناسي والمتناسي وفهم وشرح للي مايعرفش
النقطه اللي حضرتك تقصدها ان البيان له مرجعيه شيعيه بحكم ان اللي اصدرة يعتبر من علماء الشيعه .. انا شايفه ان البيان غير مخل بقواعد الدين الصحيحه ولا يسبب اي صدام عقائدي بين الشيعه والسنه والصوفيه وغيرها من الفرق ..يعني بيناقش نقطه المفروض ان الكل متفق عليها ..بس هي جت صدفه ان اول حد اصدر بيان رسمي كان شيعي ..فبما انه بيان محايد دينيا ولن يسبب اي ازمة والمفروض ان مبدائه واحده عند الناس كلها انا نزلته بوست عشان كدا ..وانا قولت في البدايه ان مرجيعة السيرة _زي ماحضرتك قولت بالظبط _ لا تؤيد مطلقا ضرب الرجل لزوجته
يعني في النهايه احنا متفقين تماما واعتقد ان مافيش اي خلاف في الرأي :)
تقبل خالص تحياتي ومودتي
وكل عام وانتم بخير ..وفين العديه بتاعتي :)))
كـل سنة وحضرتك طيب وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات
كنت بردو بحلم بوطن له مواصفات معينه فى خيالى
بس بردو حتى لو مش لقيته هحبه زى ماهو لانه وطنى مهما عمل
كل سنه وانت طيب
كل سنة و انتم طيبين و عيد اضحى مبارك و ان شاء الله ننال جميعا شرف الوقوف على عرفات
كل سنه وانت طيب وربنا يجعله خير على المسلمين اجمع
الشعر اكثرمن راءع
ومؤثر جدا ومحزن جداا
وانا حاسس ان اقرب حاجة للشعر ده
هي قصة اي واحد فلسطيني مقهور
كل عام وانت بخير
كل سنة وانت باحسن حال وبالف خير
....
كلنا نفسنا فى وطن
معندكش واحد بالتقسيط؟!!
ما شاء الله لا قوة إلا بالله
قلب حي وروح وثابة وإحساس قوي
حلم جميل بوطن كبير فيه العدل وفيه الكد وفيه الخير وفيه العسل
الله على تعبيراتك وحلمك الجميل
كل عام وأنت بخير
تقبل الله منا ومنكم صالح العمل
يا ربي .. ما شاء الله لا قوة إلا بالله
الخواطر جميلة جدا .. تبارك الرحمن
هو انا غبت عن المدونات كتير كده؟
انا سايباك كويس وما فيش حاجة ارجع الاقيك بتدور على الوطن؟
يا اخى الوطن تايه من زمان وعايز اللى يدور عليه ويلاقيه...واللا مصيبة لايكون اتخطف
والله الواحد ما بقى عارف الوطن تايه واللا احنا اللى ضيعناه بالصمت الرهيب
عموما...السنين بتمر واحنا كل عيد بنقول لبعض كل سنة وانت طيب برغم ان الوطن تايه...عرفت بأه هو تاه ليه؟لما ناكل اللحمة ونحبس بالشاى حابقى اقولك (:
يا راجل صلى ع النبى كده وروق الدنيا بخير
وبعدين ما كلنا بنقع ونقوم وهكذا
المهم متخليش حد يثبطك او يفهمك ان حلمك وهم لان احنا اللى بنصنع الحلم والوهم والامر الواقع كمان
هوه فى طائر مبيحلمش
مكنش طار
فكيف أزرع ويأكل غيرىويتمتع عدوى بخيرى
وجئت يوما لاحضن الوطن فحضنت الشوك
فقلت اين ما زرعت من شجر؟ اين الورد الذى سقيت؟
فقد كان يمشى يوما هاهنا نهر
وعدت الى اهلى فقالوا الم نقل انك تزرع حلم
وتجنى وهم
قلت لهم لا بأس
انها تخاريف بشر
انها تخاريف بش
ماشاء الله ايه ده بجد
ربنا يكرمك ويجزيك كل خير
كل عام وحضرتك بخير والى الله اقرب
السلام عليكم ورحمه الله
كل سنه وانت با الف خير يارب
والسنه الجايه فى عرفات قول امين
الطائر السعيد
كل سنة وحضرتك والعائلة كلها بألف خير وسعادة
ويارب من احسن لأحسن دائما
أحمد
انا زيك دايما ببحث عن الوطن
بس لسه مش لاقية الجواب
كل عام وانت بخير
عيد سعيد
ويجعلك ربي من عواده
اقم دولة الاسلام في قلبك تقم علي ارض الواقع
فعلا اول خطوة اننا نحلم ونبعد كدة نخطط وبعد كدة نعمل لها
ابيات رائعة طائرنا الحبيب
كل سنة وحضرتك طيب
وبتشرف دايما بمتابعة حضرتك لمدونتي
عدد من سعى ولبى وطاف بالبيت
يعطيك ربى السعادة وكل ماتمنيت
وعيدك مبارك:)
أخى الكريم : الطائر الحزين
السلام عليكم ورحمة الله وبركاته
أحييك على هذا الطرح القيم
وكلماتك المعبرة بقوة وصدق
تقبل تقديرى واحترامى
وكل عام وأنت بخير
كل سنة وانت بخير
الوطن يبداء داخلنا اولا
ابحث عنة داخلك وسوف تجدة
رجعت اخبر اخوانى انى وجدت ارض الاحلام
بعيدا عن فوضى النظام بعيدا عن عيون اللئام
بعيدا عن ظلم البشر
فاقبلت مبتهجا هلموا الى قومى
فالأرض تنتظر فئوس الجد وسواقى الماء
وطواحين الهواء وصلاح ما انكسر
الأرض ممكن نلاقيها فعلا خير الله لا ينفذ لكن الأرض كما قلت يا اخى الفاض تنتظر فئوس الجد
قصيدة جميلة و عميقة جدا جدا بعيدا عن اى مجاملة
تحياتى
انا دلوقتى بخد نفس عميق و بقلك
الله عليك بجد
كلمات رقيقه فعلا
كل سنه و حضرتك طيب و عيد سعيد و سنه اسعد
تحياتى
تمر حنة
الظاهر ان الكل بيدور على وطن..بس المشكلة ان كل واحد لوحده و في اتجاه مختلف..بس كفاية شرف الحلم
يعنى وفيها ايه لما تصحى تلاقى الحلم وهم فيها ايه يعنى
احلم تانى وتانى
وحقق حلمك
واحلم تانى وتانى بحاجات احلى واحلى
كلماتك جميلة قوى
تحياتى
هبة
خلاص طالما اننا مش لاقيين الوطن
اللي عايزينة تعالوا نعملة هنا
احنا اتظلمنا اوي
بس هنعيش في الظلم دة علي طول
الحرب علينا من كل مكان
لو لقيتة ياريت تقولي
ان في الانتظار
تحياتي بوست رائع
السلام عليكم
جزاكم جميعا كل خير
عفوا لم استطع الرد على تعليقاتكم
النت به بعض المشاكل
تحياتى
السلام عليكم ورحمه الله
اولا شكرا ليك لمرورك فى مدونتى البسيطه بس كلامك حلو تعرف ومؤثر جدا على مدونتك ربنا يهدينا جميعا يا رب
وعلى فكرة الوطن موجود جوانا بس والله يا جماعه احنا بتحركنا ايدين تانيه مش هنفوق غير لما نشوفها ونبطل شعارات كدابه
أخي الحبيب...
ليكن وطنك هو قلبك...
ليسعك بيت...
أنت وحدك أمة طالما أنت على الحق...
وفقك الله..يا بشــر :)
كنت ساعلق بقريب لما قاله اخي خالد
ثبتنا الله وبصرنا للحق دائما
وجئت يوما لاحضن الوطن فحضنت الشوك
فقلت اين ما زرعت من شجر؟ اين الورد الذى سقيت؟
فقد كان يمشى يوما هاهنا نهر
وعدت الى اهلى فقالوا الم نقل انك تزرع حلم
وتجنى وهم
شكرا يا متفاااااااائل
رائعة بكل ما تحمله الكلمة من معان
ومش هلاقي تعليق احلى من تعليق راجية عفو الله .. أمنا
كلنا بندور علي وطنا الحقيقي
يارب نلاقيه
السلام عليكم ورحمة الله وبركاته
جميعنا نبحث عن ذلك الوطن
والمهم ان لا يختلط الياس بالرغبه فى رحلة البحث حتى لا نولى مدبرين ولا نجر اذيال الخيبه
فمن ناجح وصل الى ما هو عليه من نجاح دون ان يتجرع مرار الصعب والاخفاق
تحياتى لكى اخى الفاضل
والسلام عليكم ورحمة الله وبركاته
خاطرة قيمة
بسيطة في الكلمات لكن عميقة المعني
و قد حاولت البحث عن معنى وطن .. لكن تسطرت لدي معان مختلفة ... تختلف بين الامل و التشاؤم المطلق
فنحن نعيش في يقايا اوطان
تحيتي
بقايا وطن
إرسال تعليق