نشكر المجلس العسكرى
نشكر مجلس الوزراء
نشكر كل المسئولين الذى يمارسون سياسة القمع
فقد اعادوا للشارع الوحدة واعادوا لجميع الطوائف ما يلتفوا حوله بلا ادنى شك من خلاف
اعادوا الناس من حالة الاحباط الى روح الثورة والالتفاف
نحن نشكر كلمة قانون الطوارىء التى فى ظاهرها الارهاب وباطنة الوحدة والائتلاف
مليونية هذا المرة واجبة على كل من يستطيع -
قفل قناة الجزيرة ما هى الا تحويل النظر عن المشكلة الاكبر وهى المحاكمات العسكرية للمدنيين ومن بعدها تطبيق قانون الطوارىء
اهيب بكل الاحزاب والجماعات التوحد التام واخذ عبرة من موضوع السفارة و عدم الانجراف لاشياء لا نريدها فسليمة المظاهرات هو سر قوتها والحشود الكبيرة هى الامل فى التغيير
وفقنا الله
هناك 16 تعليقًا:
نعم لهم الشكر...
فالمصريون لايتوحدون إلى فى الشدة.
ليس لها من دون الله كاشفة
مع كل هذا الحماس
كان بودى أشجع
بس هختلف معاك يا إيهاب
دى ملوينية استعراض قوة للتيار الإسلامى وللأسف ....
منزلوش ليه جمعة لا للمحاكمات العسكرية ؟
اشمعنى اللهجة اتغيرت جداااا
وبقت شديدة كدا ؟!!
عشان الوثيقة الحاكمة للدستور للأسف
وفكرة تاجيل الإنتخابات
الجمعة دى
مش لا للطوارىء
دى جمعة لا لتاجيل الإنتخابات
و دا واضح جدااا فى كل تصريحات الاخوة
...
ولهذا
انا شخصياً مش نازلة
معنديش استعداد لشوف التحرير فى قبضة اللى شوفتهم يوم 29 يوليو ...
هتفرج م الفضائيات
ودمتم
ربنا يسهل
واما نشوف
خالص ودى يا فندم
لا يا فاطمة مش استعراض قوى
ده استشعار بان الموقف تأزم
وارجو ان تنسى تجربتك الشخصية فى المعاملة التى تعرضتى لها يوم 29 يوليو
وانا قلت لك ان المعظم والاكثرية كما قلت لك جميلة ومتفهمة
استاذ محمد
نعم ليس لها من دون الله كاشفة
تجربتى الشخصية ؟!!!!
دا رأيك فيا يا إيهاب ؟
يعنى انتا شايف انى بنيت حكمى بناء على ما حدث ف جمعة 29 وفقط ؟!!
هل انا ف نظرك
هذا الشخص اللى نظرته ضيقة
ومبيحكمش ع التيار دا
بناء على مواقف مجمعة
من وقت الثورة ومن قبلها كمان ؟!
انا يبدو عليا انى متحيزة كدا
و باخد موقف بالعند
ومش عشان مبدأ انا شايفهم بيدوسوا عليه كلما سنحت ليهم فرصة ؟!!
طيب
عموما
انا نازلة بكرة ان شاء الله
عشان قررت متخلاش عن موقعى المعتاد
لأنها ثورتى انا الآخرى ...
دا اولا
وثانيا لأنهم تراجعوا كعادتهم
ويبدو ان فيه تلويح بمكاسب قادمة ...
وثالثاً ..
لأ خلاص
مفيش ثالثاً
وثالثاً
يارب المرة دى تنجح وكون فيها كل المصرين على قلب واحد
فاتيما
بلاش تظلمى الاسلاميين بتتكلمى عنهم كانهم مش مسلمين مثلك دول اتظلموا ظلم بشع فوق ما تتخيلى اعذريهم لانهم يشعرون بانهم منبوذون وماصدقوا انهم يرفعوا صوتهم عارفة فاتيما الانتماء الاساسى لمسلم هو الاسلام ورسولنا خير دليل عندما كانت مكه تعادى المسلمين ترك المسلمين ارض الكفر واتخذوا وطنا اخر هو المدينة الاسلامين اللى استفزهم الليبرالين والعلمانيين علشان كدة ردا على الاستفزاز فقاموا بهذه المليونية لرفع كلمه الاسلام هو دة اللى احنا المفروض يكون انتمائنا الاول ويأتى الانتماء الوطنى من الانتماء الدينى انا عن نفسى لو اصبحت مصر فيها علمانية لدرجه ان الاباحية ستكون معلنه مثل اى دولة علمانيه سافعل مثل ما فعل الرسول اترك مصر فلن تكون وقتها بلدى البلد التى يهاجم فيها الاسلام ليست بلدى الاسلاميين اللى بتتكلموا عنهم كانهم ليسوا من ملتك ولا من اهل بلدك الفرق انهم ارادوا ان يكونوا مسلمين قلبا وقالبا انتى عارفه ان من السهل جدا ان الواحد يلبس احدث موضه ولكن ليس من السهل ان يترك كل هذا ليتشبه بالرسول فى اطلاق اللحية ولبس الجلباب المنتقبه التى يتم السخرية منها يكفى انها قاومت كل اغراءات الموضه وتركت كل هذا لله نفسى يتعامل المسلم المودرن مع المسلم المتشبه بمظهر الصحابه والصحابيات انه ليس ملاكا اكيد له اخطاء لانه بشر وياريت كفاية سخريه منهم لان الله ناصرهم لانهم يريدون اعلاء كلمه الله دول اخوانك فاتيما ياريت تتعاملى معاهم من قريب وانت تعريفهم كنت ابغض الملتزمين جدا ولكن عندما قربت منهم اصبحت منهم وعرفت ان فيهم شخصيات فعلا تظنين انهم من زمن الصحابة ربنا يصلح الاحوال وينتصر الاسلام فى كل مكان وتعلوا رايته على اراضى العالم كله
يارب المرة دى تنجح وكون فيها كل المصرين على قلب واحد
فاتيما
بلاش تظلمى الاسلاميين بتتكلمى عنهم كانهم مش مسلمين مثلك دول اتظلموا ظلم بشع فوق ما تتخيلى اعذريهم لانهم يشعرون بانهم منبوذون وماصدقوا انهم يرفعوا صوتهم عارفة فاتيما الانتماء الاساسى لمسلم هو الاسلام ورسولنا خير دليل عندما كانت مكه تعادى المسلمين ترك المسلمين ارض الكفر واتخذوا وطنا اخر هو المدينة الاسلامين اللى استفزهم الليبرالين والعلمانيين علشان كدة ردا على الاستفزاز فقاموا بهذه المليونية لرفع كلمه الاسلام هو دة اللى احنا المفروض يكون انتمائنا الاول ويأتى الانتماء الوطنى من الانتماء الدينى انا عن نفسى لو اصبحت مصر فيها علمانية لدرجه ان الاباحية ستكون معلنه مثل اى دولة علمانيه سافعل مثل ما فعل الرسول اترك مصر فلن تكون وقتها بلدى البلد التى يهاجم فيها الاسلام ليست بلدى الاسلاميين اللى بتتكلموا عنهم كانهم ليسوا من ملتك ولا من اهل بلدك الفرق انهم ارادوا ان يكونوا مسلمين قلبا وقالبا انتى عارفه ان من السهل جدا ان الواحد يلبس احدث موضه ولكن ليس من السهل ان يترك كل هذا ليتشبه بالرسول فى اطلاق اللحية ولبس الجلباب المنتقبه التى يتم السخرية منها يكفى انها قاومت كل اغراءات الموضه وتركت كل هذا لله نفسى يتعامل المسلم المودرن مع المسلم المتشبه بمظهر الصحابه والصحابيات انه ليس ملاكا اكيد له اخطاء لانه بشر وياريت كفاية سخريه منهم لان الله ناصرهم لانهم يريدون اعلاء كلمه الله دول اخوانك فاتيما ياريت تتعاملى معاهم من قريب وانت تعريفهم كنت ابغض الملتزمين جدا ولكن عندما قربت منهم اصبحت منهم وعرفت ان فيهم شخصيات فعلا تظنين انهم من زمن الصحابة ربنا يصلح الاحوال وينتصر الاسلام فى كل مكان وتعلوا رايته على اراضى العالم كله
السلام عليكم
أنا أتخيل أن هناك مليونية جامعة لم يأت أوانها بعد لأنها ستكون القاصمة لظهورنا ولن نتحمل أكثر مما تحملنا
وقتها لن تجد فاتيما تبدي أى تحفظات للنزول مع الإسلاميين ولا الإسلاميين سيبدوا أى تحفظات مع من يخالفهم
وأنا حقيقة أعذر جدا فاتيما وليس عيبا أو نقيصة أن نبني حكمنا على تجاربنا الشخصية لأننا لا نصدق أن ما نسمعه حقيقة حتى تحدث لنا
هناك الكثيرون وأكثر مما تتخيل يتجارون بالدين ويتخفون وراءه وهؤلاء هم شر البرية لأنهم يسيئون بشدة للدين ولغيرهم ممن يتقين الله حقا
الحرية كلمة كنا نسمعها ولا نعلم ماهيتها وعندما هبة من نسيمها يوم تنحي المخلوع فسر طعمها كل واحد منا بطريقته فرأينا كل هذا التخبط وهذه الفوضى لابد أن نهدأ لنقيم ونجمع الشتات وننتظر اللحظة المناسبة للخروج الذي بلا عودة حتى تتحقق مطالب الثورة كاملة وأرى أن أوان المليونية لم يأت بعد لهذا فأنا لست مع كل جمعة مليونية لأنها افقدت المليونيات قيمتها
ونجحوا هم في تحفيز الناس ضدها والضجر منها
يعنى بعد المليونيه قد يكون كلامي مش جديد
لكن انا مقتنعه ان المليونيه الى حضرتك بتتكلم عنها لسه مش هاتحصل دلوقتي
طول مافى ناس بتعقد صفقات على حساب الشعب ولصالح مصالحها الفئويه
وطول ما فى ناس قاعده على الكنبه بتقول كفايه كده بقى زهقنا
وطول ما تنابز على اساس الاتجاه الفكري والدينى ...
كل دي حاجات تفت عضد الشعب والثوره
نسال الله العون
استاذة رفقة
جميعنا نريد للاسلام العزة والرفعة لكن كل منا بطريقتة و المتابع للاعلام بالفعل يتخبط - و انا كنت اتمنى ان تكون الاحداث الاخيرة فرصة للم الشمل وتوحيد المواقف الله المستعان
استاذة مجداوية
وعليكم السلام ورحمة الله وبركاتة
كيف تكون المليونية الجامعة قاصمة لظهورنا؟؟ ارجو التوضيح
-====
اما تجاربنا الشخصية نعم هى تؤثر فى قرارتنا لكن هذا يكون نابع من التكرار والتنوع لاكثر من موقف ولاكثر من شخص
ندى الياسمين
اتفق معك يا فندم
يارب نغلب المصلحة العامة على اى مصلحة شخصية
السلام عليكم
لم أقصد أن المليونية هي التي ستكون قاصمة للظهر ولكن أقصد أننا سنخرج في مليونية جامعة بسبب حادثة ما أو سبب ما يكون هو القاصم للظهر ولن نتحمله أكثر مما نتحمل الآن
وضحت كده ؟
إرسال تعليق