تحديث أخر هام
بالنظر فى العطاءات المرسلة من الدول الموردة وبعد التمحيص والتدقيق فى البيانات لرسو العطاء على اى منه للتوريد وجدنا أن جميع العطاءات غير قابلة للمواصفات وبناء عليه
قررنا
البحث عن من توافرت فيهم المواصفات فى بلدنا والحفاظ على هذه السلالة من الانقراض وتهيئة الجو المناسب لتكاثرها وانتظار النتائج بعد عشرين سنة من الآن
تــم
==========================
تحديث
======
نظرا لعجز البعض عن شراء كراسة الشروط لمعرفة مواصفات الصنف المورد واسهاما منا فى مشاركة الجميع فى المزايدة اليكم المواصفات المطلوبة
1- رجال لا تلهيهم تجارة ولا بيع عن ذكر الله وإقام الصلاة وإيتاء الزكاة يخافون يوما تتقلب فيه القلوب والأبصار .
2-أذلة على المؤمنين أعزة على الكافرين.
3-لا يخافون فى الحق لومة لائم .
ملحوظة هامة جدا جدا :
الرجولة صفة وليست نوع
-------------------------------------------------------------
تعلن جمهورية مصر العربية عن حاجاتها الماسة لإستيراد رجـال بمواصفات خاصة نظرا لندرتها عندنا
من يتوسم فى نفسة القدرة على التوريد موافاتنا ببيانات وشروط التوريد
ويرسو العطاء على أعلى سعر
ملحوظة : لن يلتفت الى العروض الوهمية فهناك لجنه على اعلى مستوى للانتقاء والتقييم
هناك 35 تعليقًا:
فيه موجود بس لو كل واحد وقف قدام المرايا صح وقيم نفسه صح وصلح عيوبه شكرا لكم على الاعلان لما تلاقى بالمواصفات اللى قولتها ابقى قولي
طيب نشتري منين كراسة الشروط و المواصفات ؟
و التأمين المؤقت الإبتدائي قد إيه ؟
إيهاب
ازيك يا طائرى الحزين
الأعلان دا هيسبب إحباط شنيع لدى عموم الشعب ليه ؟؟؟!!!
لأانك مش هتلاقى حد عليه القيمة فى وسط اللى هيتقدموا
دا إذا لقيت أصلاً ناس يتقدموا
بس مقولتش طبيعة الشغلانة إيه ؟؟
يعنى عاوزهم للدفاع عنها
و لا للنهوض بيها
و لا لتحسين صورتها
و لا لأى غرض
لو للأسباب السابقة
يبقى عليه العوض
و هقولك زى آبى هانم بتنجانى
إبقى قولى
تحياتى الخالصة ليك
يا لهويييييييييي
هى وصلت للدرجه دي
مفقووووووودين
ويقولوا البنات مش بتتجوز ليه
هو فيه بس مش كتير للاسف
تحياتي لك
قولى عايزين رجالة علشان ايه بالظبط وانا اقولك اذا كان موجود ولا لأ
انا اعرف محل فى وسط البلد عنده رجالة تجنننننن
فيه منها مخطط وكاروهات
السلام عليكم ورحمة الله وبركاته
هو فعلا الصنف ده بدأ يشح من السوق حبتين بس لسه الحمد لله في منه كذا نسخه وفي سبيلها للانقراض
ربنا يسهل وتلاقوا طلبكم في القريب العاجل
:))
موجودين حضرتك
بس عاملين زى الماس اللى بيكون متغطى بالتراب..هما بأه بيكونوا متغطيين بضغوط عصبية وحياتية بس فى المواقف بيبانوا والله
واحده صاحبتي دايما تقول
إن الرجاله استشهدوا في 67
كنت فاكراها إشاعه
والوقت البوست الجامد ده
كده تمااااام
تبقى مش إشاعه
بجد
كلام قليل
معنى كبير
بص هو حسب النوعيهالى حضرتك بتطلبها يعني رجاله زي هشام طلعت مصطقى ولا احمد عز ولا الشاذلى مش هما دول رجاله البلد طبعا اانواع دي هتلاقى منها كتيييييييييير جدا انما الفرق اذا كنت عايز رجاله من اللى استشهدوا فى 73 ودول زي ماقلتلك خلاص استشهدوا وف منهم اصحاب عاهات بس فى اجساهم بس لكن فى عقولهم بمليون بنى ءادم من رجاله دلوقتى
حدد بالضبط طلبك
احنا بنستورد ابرة الخيط
يعني عادي ما نستغربش
ولسة من دة كتير
وربنا يرحمنا برحتمه
تحياتي
المكان الوحيد اللي ممكن تلاقي فيه(الرجوله) هو التاريخ
انا لله وانا اليه راجعون
ان لله وان اليه راجعون
احنا خلاص هنستورد الرجاله من الصين كمان :D:D:D
على خيرة الله
ليه الإحباط ده بس
ليه مفيش رجالة
والله مصر بلد الأبطال مش بس الرجالة
الرجالة موجودين والله
والأزمة مش في قلة الرجالة
لكن الهمة شوية ضعيفة والإيمان والثقة بالله أضعف
والله والمستعان
والناس لسه فيها خير
بلاش إحباط ونكد
على العموم ابقى قولنا على موعد المناقصة ....
تفتكر لو كان فيه لجنه علي المستوي العالي ده كانوا احتاجوا رجالة أصلا؟
بس إن شاء الله أملنا في ربنا كبير . أصل مصر ولادة. يمكن الشوية الكويسين فيها يخلفوا اللي يرفع شأنها.
مدونه رائعه
الا ما قلتلي عاوزين نورد لكم رجاله من جزر الواق واق انا حاضره
:)
:)
اممممم
موضوع حساس جدا
طيب نفكر نورد الرجالة كتييييييييير
:)
والله يا سيدي الفاضل احنا ما نعز عليك غالي ولا نفيس ابدا
لكن للاسف الصنف ده شاحح في البلد ديه
ومفيش غير الاشباه ودول تلاقيهم علي ارصفة الجامعات بيتسكعوا مع البنات لاما علي الانترنت بيشيتوا مع الصنف اللطيف برضو لاما ادام الستالايت متنحين ادام الاوروبي والعربي المتفرنج
والرجال للاسف اتسحلوا وسط طواحين الغلاء وقلة الارزاق وقصر ذات اليد و من كثرة الهموم البعض هاجر وساب الجمل بما حمل والبعض الاخر اعصابه مااستحلمتش ودخل الهوزبتاليا لابس ابيض في البيض وبياكل في الزبادي الابيض
تحياتي وتقديري
السلام عليكم
العطا حيرسى على النساء وبدون زعل
فيه ستات فى مصر منهم الواحدة بميت راجل
لكن غريبة ان رجل يعترف بندرة وشح هذا النوع من الرجال !!!
أحييك على صراحتك أخى الكريم فأنت رجل والرجال قليل
ولكن أعداد الرجال ( الرجال ) لا تكفى مع الأسف رغم كثرة المعروض
طيب أنا عايز كراسة
ويارب أنجح
بعد التحديث يا فندم تتضح الصورة وتتجلى الفكرة
يتضح وجود الصفة وبوفرة
ولكنهم لا يظهروا دوما على الملأ ..لذلك يُخيل الينا أحيانا ندرتهم
حيث الخير معظمه فى السر
والشر أصبح الآن فى العلانية
حيث يتوفر فى معدومى الرجولة التبجح والتبلد والاعلان عن انفسهم بوقاحة وهذا بدوره مستورد حديثا ..ولم يكن معهودا فى السابق
فأبشر إن شاء الله..وتفائل خيرا
السلام عليكم
أنا راكنة التوك توك فى الممنوع وعشان كده حادخل فى الموضوع على طول
ما زلت على رأيى أن العطا حيرسى على النساء
لكن حضرتك سهلت المأمورية جدا وان كانت الملحوظة الهامة جدا جدا واضحة من قبل التحديث
طيب احسب معايا كده
نقول عدد الرجال تقريبا فى مصر 35 مليون على أساس ان النساء عددهم أكتر
طيب نشيل منهم الشباب المحفلط الكووووول اللى مثلهم الأعلى تامر حسنى وعمر دياب ومحمد محيى وووو ونشيل منهم المدمنين والمساطيل ونشيل منهم شباب التحرش والشلليه والصيع والعاطلين بمزاجهم ونشيل منهم اللى طول اليوم أمام النت ونشيل منهمالمتشبهين بأنصاف الرجال شكلا وموضوعا ومثلهم الأعلى مايكل جاكسون وامنيم ومحبى شاكيرا وهيفا وووووونشيل منهم اللى طول اليوم قاعدين على القهاوى والنواصى ونشيل منهم اللى بيسب بالدين بين الكلمة والتانية ونشيل منهم المرتشين وعديمى الذمة ونشيل منهم الغير مكلفين ودون سن الحلم يبقى المتبقى من ال 35 مليون كاااااااااام ؟؟؟؟؟؟
دى حسبة سهلة دى حسبة هايلة
طبق على الباقى بقى شروطك
هااااا ؟؟؟؟
طلعوا كام ؟؟؟؟
صعبه ؟
طيب نقول من الأول
مصر فيها حوالى 35 مليون رجل ( النوع ) نشيل منهم .........
معلش التوك توك كلبشوه احسبها انت بقى
اللام عليكم
للاسف جيت بعد التحديث بس التحديث وضح الصورة اكتر
باذن الله ووبفضله فيه الحاج خالد فتحي
ولا ازكيه على الله
وللاسف دة اللي مخليه تعبان في الدنيا دي بس ولا يهمنا ربنا موجود والجزاء يستاهل
وباذن الله بنربي اتنين رجالة واتنين بنات باذن الله خطوط تربيتهم العريضة هي كراسة الشروط
ودول اللي اضمنهم لانهم ادامي واحد جاهز واربعة تحت التجهيز
الباقي فيه نحسبهم على خير
برضه لكن للاسف يتعدوا على الصوابع
ربنا يرحمنا يارب
تحياتي
ازيك يا طائر يارب تكون تمام
بصراحة معاك حق فى كل اللى قلتة خصوصا المواصفات اللى اصبحت نادرة الايام دى بس ان شاء الله تلاقى زى ما فى سىء فى كويس قليل اه بس اكيد موجود
للاسف مش هعرف ادخل المزايده لان العدد اللى اعرفه مش هيكفى ده يا دوب يرى بالميكرسكوب
انما يسعدنى جدا اعرف النتيجه واشوف هتلاقوا ولا لاء
يارب تلاقوا يمكن بكره يبقى احلى من النهارده
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً [الأحزاب : 23]
بارك الله فيك أخي الكريم وجزاك أعالي الجنان
كما ذكرت فالرجولة صفة وليست نوع .. فلتعريف النوع نقول ذكر وأنثى .. أما الرجولة فصفة مشتركة .. مشكلة أمتنا هذه الأيام أنها تفتقد مثل هذه النوعية .. نسأل الله أن يجعلنا رجال يرضون ربهم وينصرون دينهم
نبدأ من الأول أجدى وأنفع
نبدأ بالتربية
النشء الصغير هو الأقرب لتشرب هذه الروح وترسخ هذه القيم
لا طائل من التلصيم والترقيع لثوب أبلته الرشوة وأخلقه الفساد
أحسب أن القادم أفضل
السلام عليكم
يا ترى العطا رسى على مين ؟؟
وللأخ الكريم طال الليل
ليس التالى مع الأسف فمما أراه لا يخرج ما تراه من فساد الا فسادا أكبر والقليل ممن رحمهم الله لن يكفوا
هى محتاجة معجزة
السلام عليكم ورحمة الله وبركاته
وذكر ان الذكرى تنفع المؤمنون
دومت بخير
والسلام عليكم ورحمة الله وبركاته
عشان توصل للرجال دول فى الاول انت محتاج لنساء من نوع خاص انا راى تعمل عطا تتطلب فيه نساء ينجبون رجالا نساء تعرف فى دورها كويس فى تربية الرجال فما افسد الرجال الا النساء وما افسد النساء الا الرجال
وياريت تتطلب فى العطا ده نساء متخصصات فى صناعة الرجال فهذه هى صناعتهن التى تركنها
ملحوظه
======
اللى موجود دلوقتى من الرجال يكفى لبدء قيادة الامه لصناعة جيل قادم من الرجال الحقيقيين
موجودين والله بس عايزين شويه امل وثقه
ربنا يكرمنا بيهم
-------------
عنوان المكتبه اهو
طنطا
المكتبة القومية
مكتبة العز خلف سينما مصر
مكتبة الصحافة بشارع أبو فريخة
يارب تجيبهم وتقولي رايك
العدد الاول - مشروع وطن
العدد الثاني- مصر في قطعه جاتوه
تحياتي
فكرتنى بدروس العقيدة لما معلمتى كانت بتعلمنى كل ده وخصوصاً كون الرجولة مش نوع
جزاك الله خيرا
عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل
بعد التحديث
ممكن تقولي إزاي هانهيأ الجو و نحافظ علي الشوية اللي فاضلين و كمان نحافظ علي سلالتهم؟؟؟؟
السلام عليكم
أنا كمان عايزة أعرف مين هم القلة دول ولاقيتهم فين وحتحافظ عليهم ازاى من الانقراض وازاى حتدينى عمر عشرين سنة كمان عشان أشوف العينة الأنوية دى
هو فيه حد ضامن النفس اللى بيتنفسه
طيب على الأقل نتعرف على القلة دول قبل ما نقابل رب كريم
أبقى لا روحت ايطاليا ولا شفت الرجالة الرجالة
هو كله فى الجنة ونعيمها مفيش حاجة فى الدنيا
لكن بينى وبينك الدنيا دى متلزمنيش باللى بيحصل فيها خلينا نركز على الآخرة ان شاء الله برحمة ربنا حنول الأمل
شارك في الحملة الشعبية للقيد بالجداول الانتخابية وادعو غيرك.
ضع بنر الحملة من علي مدونتك البنر موجود علي مدونتي
إرسال تعليق