شهريار2008-2

وفى رحلة شهريار من البلكونة الى الأرض على روحة عليه شريط ذكرياتة ايام العز واكل الوز وبين اخر ايامة والورديتين اللى كان لسه مخلصهم والبطيخة اللى صعبت عليه ولسه نصها محطوط فى الثلاجة زمانها دلوقتى بقت أخر حلاوة وهتاكلها شهر زاد لوحدها وهو ماسك القله ورايح فى عالم تانى خالص قبل ما ما ما ما ينزل على جدور رقبته على مرتبة ام حلوتهم اصلها كانت مطلعاها فى الشمس وكانت فارشه تحتها الحصيرة البلاستيك اصل الواد ابنها أكل عليها حلاوة ومنفضهاش بعد ما أكل فاتملت فرافيت عيش و حلاوة وعليه اتملت نمل كثير فقالت تطلعها فى الشمس لحسن النمل يأكلهم

وهى دى الطريقة اللى نجى بها للاسف شهريار وكمان نجت بيها القله اصل مش معقول القله تقع من الدور الثالث وتبقى سليمه من غير ما تكون فيه مرتبه تحتها وكمان الراجل ممكن يدغدغ 100 حته

نزلت شهرزاد تجرى على السلم زى المجنونه خايفة على كلام الناس لحسن يقولوا جوزها وقع ومنزلتش وهاتك يا صوات يا سبعى يا جملى يا مهنينى يا لى كنت جايب لى بطيخة ب 12.25 ونصها لسه فى الثلاجة مكلتوش (فى سرها احسن عشان استفرض بيه لوحدى)نزلت لقت الناس عماله تفوق فى شهريار ويكبوا المايه على وشه انه يفوق ابدا فواحد تطوع وقال نادوا لنا على دكتور وهى سمعت كلمة دكتور ركبها سبعميه خمسة واربعين عفريت لا دكتور ولا دياولو وانا اجيب له مصاريف منين ده شهريار مات فى أخر الشهر ولسه مقبضناش مكنش يستنى لما يقبض علشان نعرف نصرف ونطلع مصاريف خارجته يا الله اهو مغلبنا حى وميت

فنادوا تمرجى ساكن على اول الشارع جه وقال بسيطة مفهوش حاجة

ردت شهرزاد باستغراب ازاى ده مبيحطش منطق يا اسطى

رد عليها اسطى ايه يا وليه

طيب يا باشتمرجى متتحمقش اوعى كدة ما له الاسطى يا خويا ولا يعنى ميشبهوش

جاب الراجل التمرجى ازازه ابو فاس وقربها من مناخير شهريار فبدأ يتحرك وكل الناس قالت الحمد لله جت سليمه وشهرزاد بتلقائية قالت الحمد لله هنقبض الشهر وحق الورديتين اللى لسه مطبقهم وسندوا شهريار وشهرزاد تزعرد الحمد لله جت سليمة
دخل شهريار البيت يرمى جتته على السرير

قالت له لا لا انت اتهبلت ولا ايه اجرى على الحمام الاول واقلع هدومك دى انت كنت نايم فى الشارع على مرتبة الوليه ام حلوتهم زمانها مليانه نمل خش خد لك دش يا حبيبى لحد ما اعملك عشوه ميه ميه

جرى ريق شهريار وشاور براسه وقال حاضر وساب شهرزاد داخلة المطبخ وهو فى الحمام بيستحمى وعمال يتخيل المفاجأه اللى هتحضرهاله شهر زاد على العشاء وسمع صوت طقطقه قال ياه دى اكيد بتشوى لحمة على الفحم وبدأ الدخان يتصاعد قال هى اللحمة ياريتنى كنت مت من زمان والدخان فى مناخيره يطلع على نافوخة خلاص الراجل هيتهيل وكان هينشف من غير ما يشطف جسمه من الصابون اللى عليه لكنه صبر ......

وطلع ونده شهرزاد شهرزاد انت فين

وقال لها فين المفاجأه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قالت له سلامة نظرك ما هى قدامك

قال لها فين هى الوقعه اثرت على نظرى ولا ايه

قالت يوه ما هى قدامك يا راجل!!!!!!!!!!!!!

قال لها هو الطبق المتغطى

ده قالت له اه

كل الهيصه دى علشان الطبق اللى غطاه اكبر منه ثلاث مرات ده

قالت له اه سمى بقى وقول لى رأيك

قال لها قبل ما ادوء ولا احط حاجة فى بقى قولى لى عملتى الاكله دى ازاى

قالت له اول ما دخلت الحمام علشان تستحمه اه من حق نعيما -الله ينعم عليكى انتهى قولى عملتى دى ازاى - بعد ما دخلت الحمام رحت جايبة الوابور وعمرته وجبت الابرة وسلكته لحد ما بقى ناره زرقة زى الفل اصلى حطيت له شوية سبرتو علشان العده تسخن الاول وجبت الصاجة وحطيتها على الباجور وقمت لميت فضلة خيرك كل لب البطيخ اللى على الارض مكان البطيخة اللى كانت وقعت منك لما كنت بتنده عليا واناطنشت مردتش عليك وعملت مش سامعه المهم واللب نزل على الصاجة يتقلى متقلش اجدعها كباب
قال لها وصوت الطقطقه ده جه منين ؟؟؟؟؟؟!!!!!!!!!

قالت له غشيم اللب ميبقاش حلو الا اذا رشيت عليه شوية ملح وهو بيتقلى علشان يتملح و تعرف تاكله

قوم يا الله بسم الله كل

قال لها ل الا شبعت اصلى كلت من فرافيت العيش والحلاوه اللى كانت على مرتبة ام حلوتهم

اتمسى بالخير اخخخخخخخخخخخخخخخخخخخخخخ