همســة عتــاب

موضوع همستنا النهاردة يقول

انا يا حضرات مواطن عادى عاوز ادخل عيالى مدارس كويسة ولما الناس رشحت لى مدرسة من المدارس الخاصة والتى بحاول ان اوفر مصاريفها على قدر استطاعتى على مدار السنه فوجئت يا حضرات ان جارتنا بتقول لزوجتى انها كانت بتجيب بنتها من المدرسة اللى هى نفس مدرسة ابنتى وقالوا لها انها لازم تدفع المصاريف فى نهاية شهر 4
شهر ايه 4 والا ممكن البنت ما تدخلش سنة اولى لان الاسبقية بدفع المصروفات وانهم بيعملوا حساب للوسايط اللى ممكن تدخل فى سنه اولى من غير ما يكونا فى السنوات السابقة فى المدرسة

ولما احتجت جارتنا وقالت ازاى الكلام ده
قال(ت) البيه(ة) احنا فعلا نتبع وزراة التربية والتعليم لكن النواحى المادية الوزراة ملهاش دعوة بيها واحنا بنفذ تعليمات المدير احنا مش مدارس جكومة والمدير يحدد اللى هو عاوزة
وطبعا مفيش مجال للنقاش
انا قلت يا سلام سلم يا سلام سلم
نفترض ان هذا من حقة ليه معملش اعلان يقول قيه ان المصروفات لابد ان تسدد فى هذه الايام كنا عملنا جمعيه علشان نسدد المصروفات
وقلت لو جه حظهم معايا انا هبطح نفسى عليهم واوديهم فى مصيبة يعنى ايه ما يقبلوش البنت وهى بقالها سنتين عندهم علشان مدفعتش المصروفات

ورحت تانى يوم اودى البنت المدرسة ان حد يكلمنى او يفتح موضوع المصروفات معايا محدش اتكلم وبعدين كلمنا بنت عمى وهى بتراقب على المدارس وحكينا لها قالت دا انا اوديه فى داهية والمدرسة تقفل لو ثبت كدة

يا حضرات اللى مش عامل حسابة على المصروفات يعمل ايه
لو عاوزين نخرج من المدرسة نخرج بس يجيبوا المصروفات اللى دفعناه فى السنين اللى فاتت
من اول مصاريف المدرسة لحد القلم اللى تكتب بيه الاستاذة على السبورة


شكرا للسادة المسئولين الذين ساهموا فى حل مشاكل المواطنين