أخذ رأيى فى موضوع نظرت له نظرة مختلفة عن فحواة الأصلى
اما الموضوع كما عرض على كان كالتالي
قالت : أنا عاوزة حد يفتينى
قلت : خير فى ايه
قالت : انا بتكلم بجد والموضوع مفهوش هزار
قلت: ايه الموضوع
قالت : خطيبى دكتور كان تعبان جدا وعندة صداع ملازمة اخذ معلقة دواء من واحد وهو عارف ان الدواء دة
مسكر أو به نسبة مخدرات أو زى الخمرة يعنى
قلت : هو كان تعبان اوى ومفيش بديل يعنى
قالت : هو دكتور وعارف كل حاجة
قلت : هو الدواء ده مسموح به فى البيع فى الصيدليات العادية
قالت: لا ده مش من هنا أصلا
قلت مش من هنا : ليه هو خطيبك شغال فين
قالت : فى شرم الشيخ
قلت : شغال فين يعنى
قالت : فى مركز طبى ملحق بفندق
قلت : بجد وزعلانة انه كان تعبان اوى واخد معلقة دواء على حد تعبيرك وانتى شكة انها تكون خمور
قالت : طبعا امال ايه ده يبقى أخر يوم ليا معاه
قلت : هو الفندق ده بيقم خمور طبعا
قالت : اه بس هو مش بيشرب خالص
قلت لها : بجد الحمد لله
طيب هو بيصلى طبعا
قالت : اه
قلت لها : فى المسجد
قالت : لا لوحدة
قلت لها : طبعا وساعات بيجمع بين الفروض
قالت : اه
قلت : وطبعا الفندق فيه حاجات اعظم من تقديم الخمرزى ما بنسمع
قالت : معرفش بس يمكن
اتيت لها بهذه الفتوى
قالت : انا مش عاوزة فتاوى من اللى بقى لها ميت سنة دى
قلت : انا شايف الموضوع من نظرة تانية ممكن تسمعيها
قالت : ماشى
قلت : انتى زعلانة اوى من معلقة الدواء دى مع انه فى حاجات تستحق الزعل اكثر منها
تواجدة فى هذا الجو وهذه الارض فى حد ذاتة لا يصح--
تعرضة للمغريات والفتن كثرة لانه سيعلاض عليه ناس من كل جنس ولون --
مجرد تواجده جنب الفندق ده شبهة فى حد ذاتة--
وبعدين هو بيحرم نفسة من اجر الصلاة فى جماعة والصلاة فى اوقاتها --
كل ده اهم من اللى انتى قلتية وهو فى نظرى اصل المشكلة
يعنى نصيحة خليه يرجع ويشتغل هنا
قالت : هو حد لاقى شغل
قلت : يا سلام هو ده مبرر يعنى لو واحد مش لاقى شغل يروح يشتغل فى الفنق اياه ده
نصيحة لازم الواحد يبعد عن الفتن على قدر استطاعته
وانتى ترتبى اولوياتك افضل من كدة
ربنا يعفيكم ويعافينا
ايه رأيكم ياريت اسمع ردودكم
والاستاذة خديجة كاتبة فى تدوينة فى هذا المعنى
نرقع دنيانا بتمزيق ديننا فلا ديننا يبقى ولا ما نرقع
هناك 8 تعليقات:
الســـلام عليكم
انا طبعا مش هاقدر افتى ولا اقدر اقول اى حاجة لاننى لست من اهل العلم
بس اللى اقدر اقوله وبحكم اننى اعتبر من محافظة سياحية والكل مسخر لخدمة السياحة لا يوجد عندنا شئ أخر
لان دولتنا حاولتنا الى تبعية غير عادى لسياحة وربطت ارزاق الشباب بالعمل فى السياحة فقط
وللاسف الشديد احنا تم نزع الاراضى الزراعية لتحويلها الى مراسى للمراكب السياحية فماذا تبقى لنا لا مصنع ولا زراعة ولا تجارة الا التجارة مع السياح والبيع للسياح انا عارفه انى خرجت على الموضوع بس معلش هذا واقع مرير للاسف الشديد
ولابد من وجود مخرج لها والرجوع الى اقتصاد اقوى من ذلك بالصناعة والزراعة والتجارة حتى نحمى شباب الامه من كل هذه الفتن
لا نملك اللى الدعاء
اللهم اصلح حالنا وحال امتنا الاسلامية
آمــين
استاذه أمانى
مقدر واشعر بمدى المرار فى ردودك
أعانك الله
جزاك الله خيرا على المرور
السلام عليكم
طبعا موضوع خطير ويلزم قدر عالى من التقوى والاتكال على الله والاعتقاد بيقين ان"وفى السماء رزقكم وما توعدون"خاصة عندما نعلم ان الفقة الاسلامى له نظره قاطعة فيما يتعلق بالمحرمات من الطعام والشراب فهو لا يجيز التعامل الا من باب "الضرورات يبحن المحظورات"وعلى هذا يكون تناول المحرم بالقدر اليسير الذى يحفظ على الانسان حياته اذا كان يخشى الهلاك وبالكميه التى تدفع عنه الموت فقط لاغير بحيث تعد الاستزادة بعد ذلك محرمة
انا اعلم ان الكلام النظرى سهل ولكن "احسب الناس ان يتركوا ان يقولوا امنا وهم لايفتنون"اسال الله ان يقينا شر الفتن وان يثبتنا اذا ما نزلت
اعتذر للاطالة
امولة
جزاك الله خيرا
فعلا هذا ما قصدت واردت ان نعيه جميعا
دعواتك
السلام عليكم
الموضوع مهواش مسألة ان الاماكن صح او غلط.......الموضوع ان الشخصية نفسها قابلة انها تتأثر بالأخطاء أم لا
ان الواحد يشتغل فى شرم أو الغردقة أو اى من الدول الساحلية مهواش معناه ان الواحد لازم يغلط وحقيقى البلد فرص العمل فيها مهواش كتير بس هيه المقدرة على محاربة الشيطان فى عدم الوقوع فى دائرة المحرمات
بالنسبة للدكتور اللى اخد معلقة دوا......اعتقد انه دكتور ويعلم جيدا مدى صحة ذلك الأمر من عدمه...المسألة محتاجة لإستفتاء قلب وعقل ولا يلوم إلا نفسه
والسلام ختام
دوبا
اسمحى لى ان اختلف معك
ارض الصلاح مهمة
والصحبة الصالحة اهم
كل منا يحتاج من يعيتة على الحق
شكرا لمرورك
حقيقى ارض الصلاح مهمة .....والصحبة أهم
لكن كل مكان ممكن يكون فيه اول واحد صالح ويقتدى بيه اخرين
الانسان ممكن يكبر وسط مجموعة كبيرة صالحة ويطلع اخلاقه فاسدة والعكس صحيح
الوقوع فى الخطأ صحيح اسهل.....لكن المقدرة على مواجهة الخطأ والتصدى ليه أقوى وأشدواعتقد اهم وانفع
تحياتى....هبة
دوبا
الرجل الصالح ان وجد فى بيئة فاسدة لا يأمن على نفسه منها والاحوط ان يبتعد عنها مهما كانت درجة صلاحة وتقواه وكلامك الاخير يؤكد ما أقول القدوة تأتى من المكان الصالح والشخص الصالح
تحياتى
إرسال تعليق