سوء الحظ :-
لما تروح تجيب عيش تلاقى الطابور طويل جدا ولما تبقى فى وسط الصف يقوم العمال يفطروا ويسيبوا الناس تشمس شوية حوالى نصف ساعة
سوء الحظ :-
بعد ما العمال يخلصوا فطار و يبقى باقى ربع الطابور تيجى عربية الدقيق تنزل الحمولة والحصة بتاعة الفرن
منتهى سوء الحظ : -
لما يجى عليك الدور علشان تاخد العيش تلاقى الفرن شطب
لما تروح تجيب عيش تلاقى الطابور طويل جدا ولما تبقى فى وسط الصف يقوم العمال يفطروا ويسيبوا الناس تشمس شوية حوالى نصف ساعة
سوء الحظ :-
بعد ما العمال يخلصوا فطار و يبقى باقى ربع الطابور تيجى عربية الدقيق تنزل الحمولة والحصة بتاعة الفرن
منتهى سوء الحظ : -
لما يجى عليك الدور علشان تاخد العيش تلاقى الفرن شطب
هناك 15 تعليقًا:
ماله الرجيم
زى الفل
لا عيش و لا طوابير
مشكلتك بس فى الطماطم
ياسلام ومن ده كتيييييييير
بس لعله خير
أو تكفير ذنوب
أو ابتلاء
السلام عليكم
سلمت يمينك يا ابو ابنائى الاحباء
ومين فينا مش بيلاقى سوء حظ
ده حتى فى التعليم ممكن المدرس او المدرسه
الى بتعلم الطلاب
تكون غير كفؤ للتعليم
يبقى سوء حظ
ونطلب من الله ان يعافينا من سوء الحظ
الى بيعلم الطلاب
: )))
الله يعين الرجالة اللي بتشتري العيش الصراحة : )
بس
احنا معندناش طوابير , مش لغوا الموضوع دا؟؟
من 3 شهور او اكتر بغو طوابير العيش والفرن بيرسل العيش لكل منفذ بيع ( سوبر ماركتات ومحلات بقالة وكل واحد بياخد العيش على حسب اقرب محل بقالة قريب منه
مش عندكو دا؟؟
خيل الماساه ان فى ناس كده
بيعيشوا حياتهم كلها على نفس المنوال ؟؟
بيبقى احساس مر
sinbad
ماشى يا خويا هنروح فين اكثر من كدة قال ريجيم قال
موناليزا
ام الابناء
عاشقة الفردوس
ان رغيف الخبز مجرد رمز لأشياء نريد الوصول اليها وقد تكون مرتبطة بوقت معين لابد من انجازها فيه ورغم كل الجهد تضيع اما لانها محتاجة جهد اكبر او انها محتاجة بلطجة اكبر
ندى الياسمين
نعم بالفعل هناك ناس كذلك
هو دة رزق اكيدلو حضرتك لك رزق فى شيئا ما فى هذه الدنيا ستحصل عليه سواء بمجهود او بغير مجهود
اكيد حضرتك لك جوالات فى اوقات اخرى وامور اخرى كان حسن الحظ هو الغالب
هكذا الدنيا يوم فوق ويوم تحت
حتى لا نحبها ونتعلق بها
أنا لا أؤمن بالحظ وسوءه او حسنه
فانت لا تعلم اين الخير ولو فى اتفه الامور ممكن يكون تعصيلك ده لحكمة لا تعلمها فلا تتذمر مما يحدث بل انظر لما ورائه مما تعلمه او تجهله
وانا صغيرة سمعت قصتين بجد فرقوا معايا اوى فى حياتى وتفكيرى
القصة أن شيخاً كان يعيش فوق تل من التلال ويملك جواداً وحيداً محبّباً إليه.. في يوم من الأيام فر جواده فجاء إليه جيرانه يواسونه لهذا الحظ العاثر فأجابهم بلا حزن وما أدراكم أنه شراً -
وبعد أيام قليلة عاد إليه الجواد مصطحباً معه عدداً من الخيول البريّة.. فجاء إليه جيرانه يهنئونه على هذا الخير فأجابهم بلا تهلل وما أدراكم أنه خيراً - ولم تمضي أيام حتى كان إبنه الشاب يدرب أحد هذه الخيول البرية فسقط من فوقه وكسرت ساقه وجاءوا للشيخ يواسونه في هذا الشر فأجابهم بلا هلع وما أدراكم أنه شراً - وبعد أسابيع قليلة أعلنت الحرب وجند شباب القرية وأعفي إبن الشيخ من القتال لكسر ساقه فمات في الحرب شبابٌ كثر
كان لأحد الملوك وزيراً حكيماً وكان الملك يقربه منه ويصطحبه معه في كل مكان. وكان كلما أصاب الملك ما يكدره قال له الوزير "لعله خيراً" فيهدأ الملك. وفي إحدى المرات قُطع إصبع الملك فقال الوزير "لعله خيراً" فغضب الملك غضباً شديداً وقال ما الخير في ذلك؟! وأمر بحبس الوزير.
فقال الوزير الحكيم "لعله خيراً" ومكث الوزير فترة طويلة في السجن. وفي يوم خرج الملك للصيد وابتعد عن الحراس ليتعقب فريسته، فمر على قوم يعبدون صنم فقبضوا عليه ليقدموه قرباناً للصنم ولكنهم تركوه بعد أن اكتشفوا أن قربانهم إصبعه مقطوع.. فانطلق الملك فرحاً بعد أن أنقذه الله من الذبح تحت قدم تمثال لا ينفع ولا يضر وأول ما أمر به فور وصوله القصر أن أمر الحراس أن يأتوا بوزيره من السجن واعتذر له عما صنعه معه وقال أنه أدرك الآن الخير في قطع إصبعه، وحمد الله تعالى على ذلك. ولكنه سأله عندما أمرت بسجنك قلت "لعله خيراً" فما الخير في ذلك؟ فأجابه الوزير أنه لو لم يسجنه.. لَصاحَبَهُ فى الصيد فكان سيُقدم قرباناً بدلاً من الملك... فكان في صنع الله كل الخير.
قال تعالى
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
هو مش سوء حظ حضرتك
مجرد تدريب اضافي لزيادة القدرة على تحمل الإحباط وما أكثر حالات الإحباط ...الراحة منها موجودة يا إما في ساعة سكينة
:)
أو في الجنة
:)
جعلنا الله برحمته من أهلها
السلام عليكم
قليل البخت يلاقي العضمة في الكرشة
:)
بتحصل؟
نعم
ولكن لا أعتقد أن لهذا دخل بالحظ أو البخت لأنها أشياء خارجة عن إرادةالإنسان وغير مرتيطة بسعيه أو توكله أو تواكله
هي منغصات حياتية واختبارات لقدرة التحمل
ولو الفرن ده شطب فيه غيره
:)
أما الحظ , فقيل عنه أن ذو حظ عظيم هو من يفوز بالجنة
فإن كان كذلك
فاللهم اجعلنا قليلي الحظ في الدنيا عظيمي الحظ في الآخرة
أنا مجرب يا فندم :)
وعارف سوء الحظ دا:)
الفرن شطب؟
ده بالشكل ده ماسك ديل قطة سودا يوم 13
يلا ربك الرزاق
مالها المكرونة
أخى الفاضل الطائر الحزين
كل عام وأنت أفضل وإلى الله أقرب وكل المسلمين بمناسبة العام الهجرى الجديد
لما يكون منتهى سوء الحظ هو عدم الحصول على رغيف خبز ..يعنى حسن الحظ الحصول على هذا الرغيف ..يبقى الشعب ده فى أخطر المراحل ولازم يفوق
تحياتى
ههههههههههههههههههههههههههههههه
هاتوا باتيه
هقولك ايه ماهو دة من الفساد برضه
تحياتي
إرسال تعليق