طريقة عمل اليخنى

المقادير

1- قرار لا غنى عنه خاص بالتعليم وذلك حرصا على ان التقدم و سرعة الهضم
2- قرار خاص بالحرية والكل يقول ما يريد ما دام لا يجرح غيرة وذلك باستخدام السكين ويكون التقطيع طرنشات
3- قرار بنزاهة القضاء حتى لا يتم رفع الكوليسترول فى الدم
4- قرار خاص بالأمن و الأمان والشفافيه وهذا مهم جدا حتى لا يتم رفع ضغط الدم
5- قرار سيادى سيادى بدعم الخبز بس خلى بالك لحسن يعجن
6- قرار تموينى بزيادة كل اسعار السلع المحلية والمستوردة علشان يبقى كله زى بعضة والناس كلها تجرى ورا لقمة العيش الحاف ان لقتها وطبعا كل ما الناس تجرى هتبقى رياضية أكثر
7- قرار حربى بمنع اى احد يشيل سلاح او مطوة قرن غزال علشان احنا بلد مسااااااااااااالم وهذا علشان الهدوء و منع العصبية
8- قرار بزراعة كل الأرض بانجو علشان تكييف الناس بمناسبة دخول الصيف

طريقة التحضير

بسيطة جدا جدا جدا

ضع كل هذه المقادير فى فرن البوتوجاز فى درجة حرارة عاليه جدا بس لازم نراعى أن كل قرار يكون نظيف وعادل ورشيد حتى يحمر وش الطاجن ويبقى من بره جميل ومن جواه طين وينتج لنا فى النهاية

فقر – فساد – ارهاب - ..... الخ

عفوا التدوينة ليست على المستوى المطلوب

لكن ما بداخلى لم أستطع ان انقله كما يجب عذرا