من وحى المدونات

عندما حلق عصفور المدينة مهاجرا الى الله باحثا عن الحقيقة واحلى حياه ونقطة مياه تروى فرنسا هانم واحبابها وجد هذا الطائر حزين اصله نفسه يبقى مسلم بجد و يبحث عن ظل قلم يكتب به افكار مبعثرة فى ساعة سكينة

فالكل يرجو عفو الله لأن العمر لحظة

عايزة اتكلم عايزة اتكلم طيب حاضر وبتزعقى ليه اتكلمى يا ستى قالت فى كلمة واقفة فى الزور مش عارفة اقولها مفيش حاجة خلاص بس دنيا محيرانى

اقول ايه اصلى بنت خيخة واى كلام وسلطة لا لا

شهادة لله وحده نحتاج الى صدر نقى وباب مفتوح يسع ام البنات مع اولادها اصحاب النعم وكمان صانع ماهر ودكتور زى خالد وليس بخالد لننال الحرية وننعم باوراق الورد ونرسم براعم الكلمات من بنات افكارى بلا عنوان فى كتاب الف ليلة وليلة بيد عيل مصرى وبنت مصرية

لينطق دوى الصمت و نقوم بثورة لواحد من شعب مصر ومصراوى اوى تفرح ربة السيف والقلم وتكون طريق المسلم ونورا للحب نشم منه نسيم الجنه ليعود سحر الشرق وننزع طوق الحرية من رقابنا وتتسع العين الضيقة التى تحاول ان تحوى العالم فى فكرة طعمة وننشد قلبى يا طير ردد كلام حبيبى ولا تنسى كلمات منداخل 48 يحويها كشكول من الف ورقة

كلاكيت تاتى وتانى

دلوقتى الواحد محتاج كوباية لبن وقهوة كمان تروق دماغكو و دماغى

هات ودنك اقول لك مين اللى بيتكلم و بيقول انها اساطير الخريف

وصوت تانى بيقول لا مليش دعوة انا عايزة اتجوز وطهقانة

ايه ده وانا كمان المزاج مش تمام وطهقان دى بتقول على نفسها خدامة ايوة خدامه وتهمتى انى مصرية وبنت شلبية

ماشى ما احنا عارفين ان خادم القوم سيدهم

وأخرتها ايه بقى معاكم بين الهدب دمعه ليه كده بس اصل الطيارة الورق بتاعة بنت القمر طارت ومش راضية ترجع

يا ترى بكرة فيه ايه نحتاج ايه فكروا معايا نبطل نعيش فى الاحلام ولا نحلم حلم ليلة صيف ونكون زى سندريلا وكل اللى نحملة حنين فى حب فلسطين ولا اقول لكم نكون صراصير فى بلاعة الحكومة احسن من التغيير

ولا اقول لكم هاتم ايدكم فى ايدى يكون كل واحد منا عبد لله وامه لله ونكون زى عاشقة الفردوس كلها أمل ونرفع ايدينا ونقول لا اله الا الله قبل ما يأتى

يوم لا ينفع فيه مال ولا بنون وندعى ونقول يارب اجعلنا من الابرار ونكون من اهل الجنه وتكتب امولة فى يومياتها اننا عرفنا طريق الله وتبقى تحكية للأجيال


عذرا ان كنت نسيت بعض المدونات